Индустрияландырудың экономиканы әртараптандырудағы рөлі
«Индустрияландырудың экономиканы әртараптандырудағы рөлі» тақырыбында Қызылорда облысының әкімі Қ.Е. Көшербаевтың қатысуымен өтетін интернет-конференция
- Сұрақтар: 6
- Жауаптар: 6
- 15.06.2018, 10:00
- 15.06.2018, 15:00
- Қызылорда облысы әкімшілігі
Назарова Салтанат 15.06.2018, 10:43, Сұрақ нөмірі: 7739
Құрметті Қырымбек Елеуұлы! Жоспарға сәйкес Шиелі ауданында цемент зауыты биыл іске қосылуы тиіс. Қытайлық мамандар кәсіпорын іске қосылғаннан кейін зауытта қала береді ме?
Қызылорда облысы 15.June.2018, 11:04
Өздеріңізге белгілі, Мемлекет басшысының басты тапсырмасына сәйкес дамыған 30 елдің қатарына кіру мақсатында Тампонажды цемент зауытының құрылысын жүзеге асыру үшін «Чайна Гежуба групп цемент ЛТД» трансұлттық компаниясы тартылды. Қазіргі таңда мұнай және атом өнеркәсібі салаларындағы кәсіпорындар тампонажды цементті шет елден экспорттайды. Сол себепті цемент зауытының құрылысы тек облыс көлемінде ғана емес, республика үшін де маңызды бастамалардың бірі болып табылады. Құрылыс кезінде 1200 жұмыс орны, ал іске қосылғанда 260 жұмыс орындарымен қамтамасыз ететін болады. Зауытты білікті мамандармен қамтамасыз ету мақсатында Қазақстан және Қытай елінде оқыту үшін Шиелі ауданының 46 тұрғыны іріктеп алынды. Нәтижесінде біздің мамандар сол өндірістерде жұмыс жасайтын болады. Кәсіпорын іске қосылғаннан кейін зауытқа жергілікті мамандар тартылатын болады. Зауытты осы жылдың желтоқсан айында іске қосу жоспарланып отыр.