Аймақтағы құрылыс және сәулет саласының дамуы
«Аймақтағы құрылыс және сәулет саласының дамуы» тақырыбында Қызылорда облысының әкімі Қ.Е. Көшербаевтың қатысуымен өтетін интернет-конференция
- Сұрақтар: 5
- Жауаптар: 5
- 14.09.2018, 10:00
- 14.09.2018, 15:00
- Қызылорда облысы әкімшілігі
Айбосын Береке 14.09.2018, 11:49, Сұрақ нөмірі: 7909
Менің аты-жөнім Айболсын Береке. Қызылорда қаласының тұрғынымын. Өткен жылдан бастап Сырдария өзенінің сол жағалауында жаңа қаланың құрылысы басталды. Бұл бастаманы біз қолдаймыз, себебі қаламыздың басқа да заманауи қалалармен терезесі тең болуын қалаймыз.
Мен 2016 жылдан бері тұрғын үй кезегінде тұрмын. Сырдария өзенінің сол жағалауында салынған тұрғын үйлерден пәтер алғым келеді. Сол жағалауда тұрғын үйлер қашан пайдалануға беріледі?
Қызылорда облысы 14.09.2018
Қызылорда қаласы халқының саны жылдан-жылға өсіп келеді. Осыған байланысты 2016 жылдан бастап Сырдария өзенінің сол жағалауындағы жаңа аумақты игеруді бастадық. Қазіргі таңда нысандар құрылысы қарқынды жүріп жатыр. Бұл аумақта қазіргі таңда кезекте тұрғандарға табысталатын 220 пәтерді құрайтын 4 көпқабатты сатып алу құқығынсыз арендалық тұрғын үй, 240 пәтерді құрайтын 4 көпқабатты несиелік тұрғын үй және жеке құрылыс компаниялары есебінен 770 пәтерді құрайтын 18 көпқабатты тұрғын үй құрылысы жүргізілуде. Бұлардың барлығын 2019 жылдың 1 жартыжылдығында пайдалануға беруді жоспарлап отырмыз. Сонымен қатар, ағымдағы жылдың қараша айында сатып алу құқығынсыз 320 пәтерді құрайтын 7 арендалық көпқабатты тұрғын үй құрылысы басталатын болады.