«Жастарды қолдау бағыттары туралы»
«Жастарды қолдау бағыттары туралы» тақырыбында Қызылорда облысының әкімі Қ.Е. Көшербаевтың қатысуымен өтетін интернет-конференция
- Сұрақтар: 7
- Жауаптар: 7
- 26.02.2019, 10:00
- 26.02.2019, 18:00
- Қызылорда облысы әкімшілігі
Қаласов Темірбек 26.02.2019, 13:10, Сұрақ нөмірі: 8271
Құрметті, Қырымбек Елеуұлы!
Өзіңіздің тікелей қолдауыңызбен Сырдария өзенінің сол жағалауынан «Жастар орталығы» ғимаратының құрылысы басталған болатын. Осы ғимаратты жастар игілігіне пайдалануға беру қай уақытқа жоспарланып отыр?
Қызылорда облысы 26.February.2019, 16:48
Қызылорда қаласының бас жоспарына сәйкес Сырдария өзенінің сол жағалауын игерудің егжей-тегжейлі жоспары бекітілді. «Жастар орталығы» ғимараты осы жоспарға сәйкес бой көтеруде. Бұйырса, осы жылы пайдалануға берілетін болады. Нақты айтқанда, мердігер мекеменің құрылыс-жобалау жұмыстарының жоспарына сәйкес осы жылдың сәуір айының соңында құрылыс жұмыстары аяқталады. Жаңа орталық Сыр жастарының жан-жақты дамуы мен әлеуметтік бейімделуіне, бос уақытын тиімді ұйымдастыруға сондай-ақ, жұмыста не оқуда жоқ жастардың мәселелерімен нақты айналысуға мүмкіндік береді. Оның базасында жастардың бос уақыттарын ұйымдастыратын продюсерлік орталық, жаттығу залы, интернет-кітапхана, мүмкіндігі шектеулі жандарға арналған арнайы бөлмелер, медициналық, психологиялық кеңес беру бөлмелері, шеберханалар, тіл оқыту орталығы, ІТ – парк қарастырылған. Аталған орталық жастарға 24 сағат бойы қызмет көрсететін болады. Мысалға, қалаған уақытта интернетпен тегін жұмыс істеп, арасында бауырсақ жеп, шәй-кофе ішуге де болады. Менің үмітім – "Жастар орталығы" жастардың нағыз үйі болса екен!