«Қызылорда облысының елді мекендерін газдандыру және электр жүйесімен қамтамасыз ету мәселелері»
«Қызылорда облысының елді мекендерін газдандыру және электр жүйесімен қамтамасыз ету мәселелері» тақырыбында Қызылорда облысының әкімі Қ.Д.Ысқақовтың қатысуымен өтетін интернет-конференция
- Сұрақтар: 6
- Жауаптар: 6
- 25.02.2020, 10:00
- 25.02.2020, 17:00
Ерболат Ақмарал 25.02.2020, 10:46, Сұрақ нөмірі: 9082
Наурыз және Махамбетов ауылына қашан газ жүргізіледі және көшелеріміз қашан жөнделеді?
Қызылорда облысы 25.February.2020, 11:43
Қайырлы күн, Ақмарал! Сұрағыңызға рақмет! Қызылорда облысын әлеуметтік-экономикалық дамытудың 2019-2022 жылдарға арналған кешенді жоспарына сәйкес Наурыз және Махамбетов елді мекендерін газдандыру жұмыстары 2021-2022 жылдарға жоспарланған. Дегенмен, Қызылорда облысы әкімдігі тарапынан аталған елді мекендерді газдандыру жобаларын қаржыландыру мақсатында 2020 жылғы республикалық бюджеттің нақтылануына ұсынылды. Алдағы уақытта қаржы бөлінген жағдайда құрылыс жұмыстары басталатын болады. Жол мәселесіне келетін болсақ, 2020 жылы «Ауыл-Ел бесігі» жобасы аясында республикалық бюджет есебінен 277 млн.теңге қаржы бөлініп, 13 шақырым болатын 16 көшеге орташа жөндеу жұмыстары жүргізу жоспарланып отыр.