Администратор 15.10.2008

1.13 шілде 1999 жылғы № 411-I Қазақстан Республикасының Азаматтық іс жүргізу кодексінің 236 бабына сәйкес сот шешiмi заңды күшiне енгеннен кейiн атқару парағы жазылады, ол өндiрiп алушыға берiледi немесе оның жазбаша өтiнiшi бойынша сот оны аумағы бойынша атқарушылық iс жүргiзудiң тиiстi органына орындау үшiн жiбередi. Аталған Заңның 43 және 44 тарауларына сәйкес қолыңыздағы сот шешімінің заңды күшінің неше жыл екенін анықтап айту мүмкін емес себебі, қадағалау тәртібімен іс жүргізу немесе заңды күшіне енген шешімдерді жаңадан анықталған мән-жайлар бойынша қайта қарау жөнінде іс жүргізу сияқты заң нормаларын іске қатысушылар пайдалануы мүмкін. 2.Қазақстан Республикасының 30 маусым 1998 жылғы № 253-I Атқарушылық iс жүргiзу және сот орындаушыларының мәртебесi туралы Заңының 7 бабы 1 тармағының 1-тармақшасына сәйкес сот актiлерi негiзiнде атқару парақтары орындауға беру мерзiмi - үш жыл iшiнде. 3.Қазақстан Республикасының 30 маусым 1998 жылғы № 253-I Атқарушылық iс жүргiзу және сот орындаушыларының мәртебесi туралы Заңының 4-бабына сәйкес атқару құжаттарын орындау, атқару құжаттарының орындалуын қамтамасыз ету жөнiндегi уәкiлеттi органның аумақтық органдары мен бөлiмдерiнiң сот орындаушыларына жүктеледi. 4.2006 жылғы «Инком Курылыс» ЖШС мен жасалған келісім шартқа бір жыл өткен соң өзгеріс енетінін немесе енбейтіні туралы сұраққа жауап беру мүмкін емес себебі, біз сот шешімімен танысқан жоқпыз және Сіздің қолыңызда Ақтау қаласының №2 сотының 27.08.2008 жылғы заңды күшіне енген салынған ақшаны қайтару жөнінде сот шешімі бар болса, Инком Курылыспен арадағы келісім шарттың заңды күшінде болуы күмән келтіреді.