Жамбыл облысы 19.October.2020, 11:57

Жуалы ауданында 49 елді мекен бар, оның газдандырылғаны 30 елді мекен немесе 61 %. Қалған 19 елді мекенді газбен қамту үшін келесі жұмыстар атқарылуда: Ауыл ішілік газ тарту жұмыстары бойынша: "Жұмыспен қамту жол картасы" бағдарламасы аясында жалпы құны 636,11 млн теңге қаралып, 7 елді мекенге ауыл ішілік газ тарту жұмыстары жүргізілуде. Атап айтсақ: (Шыңбұлақ, Қоңыртөбе, Кәріқорған, Тасбастау, Майбұлақ, Қосмұрат, Күреңбел) бүгінгі күнге жұмыстар 98 пайызға орындалды. Жоба толығымен аяқталғанда, аудан көлемінде 37 елді мекен табиғи газбен қамтылып, 75,5 пайызды құрайды.