Кәсіпкерлікті дамыту жөніндегі 2021-2025 жылдарға арналған ұлттық жоба шеңберінде жаңа бизнес-идеяларды іске асыру үшін мемлекеттік гранттар беру

Жаңа бизнес-идеяларды іске асыруға мемлекеттік гранттар беру мемлекеттік қызметі конкурстық рәсімдерге сәйкес электрондық форматта тегін көрсетіледі. Мемлекеттік гранттар шағын кәсіпкерлік субъектілерінің, оның ішінде ісін жаңа бастаған жас кәсіпкерлердің, ісін жаңа бастаған кәсіпкерлердің жаңа бизнес-идеяларын іске асыруға бағытталған. Бір шағын кәсіпкерлік субъектісі үшін мемлекеттік гранттың ең жоғары сомасы 5 000 000 теңгеге дейін, бұл ретте ұсынылатын мемлекеттік грант көлемінің кемінде 10%-ы мөлшерінде бизнес-жобаны қоса қаржыландыру (халықтың әлеуметтік осал топтарын, оның ішінде 3-топтағы мүгедектікті қоспағанда) міндетті шарт болып табылады. Жаңа бизнес-идеяларды іске асыруға мемлекеттік гранттар беру қағидаларына сәйкес өтінімдерді қабылдау кәсіпкердің тіркелген жері (заңды мекенжайы) бойынша жүзеге асырылады. Мемлекеттік грант алуға өтінімдерді беру және қабылдау «QOLDAU.KZ» бизнеске арналған цифрлық платформасы арқылы жүзеге асырылады. 2022 жылы гранттық қаржыландыруға 37 млн. теңге, оның ішінде 29 жасқа дейінгі (қоса алғанда) жас кәсіпкерлерді қолдауға республикалық бюджет қаражаты есебінен 21 млн. теңге, ісін жаңа бастаған кәсіпкерлерді қолдау үшін жергілікті бюджеттен 16 млн. теңге бөлінді.

• Сұрақтар: 2
• Жауаптар: 2
• 592
• 06.06.2022, 10:00
• 08.06.2022, 18:00
• Солтүстік Қазақстан облысы