Диагностикалық радиофарм препараттарды қолдану. Отандық радиофармацевтика және ядролық медицина.

Қазіргі уақытта радионуклидтерді медицинада қолданудың жоғары клиникалық тиімділігі күмән тудырмайды. Бүгінгі таңда радионуклидті зерттеу және емдеу әдістері ғылыми және практикалық медицинаның әртүрлі салаларында кеңінен қолданылады – онкология, кардиология, гепатология, урология және нефрология, пульмонология, эндокринология, травматология, неврология және нейрохирургия, педиатрия, аллергология, гематология, клиникалық иммунология және т. б. ШЖҚ КРМ "Ядролық физика институты" бүгінде радиофармпрепараттарды (бұдан әрі-РФП) өндіру бойынша оларды алу технологиялары мен бақылау әдістерін әзірлеуден бастап ТӨТ-ің барлық талаптарына жауап беретін өндірістің барлық кезеңдерін іске асыруға дейінгі жұмыстардың толық циклін жүзеге асыратын Қазақстан Республикасындағы жалғыз алаң болып табылады. Институт келесі РФП-ны тіркеді: "Фтородезоксиглюкоза18F", "натрий пертехнетат99mTc" және диагностика мен терапияға арналған 131I изотопына негізделген екі препарат ("натрий йодид131I"). Жаңа тіркелмеген РФП әзірленуде: 177Lu-PSMA метастаздары бар простата обырына арналған терапия; 18F-PSMA, 99mTc-PSMA-метастаздары бар простата обырына арналған диагностика; 153Sm-EDTMP -паллиативтік терапия үшін. Қазіргі уақытта Қазақстан Республикасында 8 ядролық медицина орталығы мен бөлімшелері жұмыс істейді, олардың 90%-ы институт өндірісінің радиофармпрепараттарын қолданады. Қырғызстанның Бішкек қаласында 99Мо/99мТс гель-генераторларды жеткізу бойынша жұмыс жүргізілуде (АЭХА жобасы).

• Сұрақтар: 0
• Жауаптар: 0
• 75
• 21.08.2023, 10:00
• 24.08.2023, 15:00
• «Ядролық физика институты» РМК