Радиациялық қауіпсіздік және радиациялық бақылау саласында мамандар даярлау

Иондаушы сәулелену көздерімен жұмыс істеу кезінде жұмысқа тартылған қызметкерлер үшін де, сондай-ақ халық пен қоршаған орта үшін де сәулелену қаупі әрқашан болады. Адам үшін үлкен қауіп – сәулелену организмнің жасушаішілік құрылымдарына тікелей ғана емес, яғни сезілмейтін, бірақ кейінірек зат алмасу бұзылулары, әртүрлі жүйелердің функционалдық ақаулары, сәулелік зақымданулар түрінде көрінуі мүмкін. Сондықтан өздерінің технологиялық процестерінде иондаушы сәулелену көздерін және радиациялық сәулелену көзі болып табылатын жабдықтарды пайдаланатын барлық кәсіпорындар қызметкерлер мен қоршаған ортаны сәулеленудің теріс әсерінен қорғау жөніндегі іс-шаралар кешенін іске асыруы тиіс. Радиациялық қауіпсіздікті ұйымдастырудың негізгі құрамдас бөліктерінің бірі персоналдың тиісті даярлығын қамтамасыз ету болып табылады. 2020 жылғы 20 желтоқсандағы №ҚР ДСМ-275/2020 «Радиациялық қауіпсіздікті қамтамасыз етуге қойылатын санитариялық-эпидемиологиялық талаптар» санитариялық қағидаларының 59-тармағына сәйкес, иондаушы сәулелену көздерімен жұмыс істеуге 18 жасқа толған, медициналық қарсы көрсетілімдері жоқ, радиациялық объекті басшысының бұйрығымен «А» тобындағы персонал санатына жатқызылған ядролық және радиациялық қауіпсіздікті қамтамасыз етуге жауапты персоналды арнайы даярлау жөніндегі қызметке лицензиясы бар ұйымдардан радиациялық қауіпсіздік бойынша оқытудан өткен, радиациялық қауіпсіздік бойынша нұсқаулық және білімін тексеруден өткен адамдар жіберіледі. Қазақстан Республикасы Энергетика министрінің 2016 жылғы 20 қаңтардағы №13 «Атом энергиясы пайдаланылатын объектілерде жұмыс істейтін персоналдың біліктілігін арттыру қағидаларын бекіту туралы» бұйрығына сәйкес атом энергиясы пайдаланылатын объектілерде жұмыс істейтін персоналдың тиісті кәсіби деңгейін қолдау мақсатында бес жылда кемінде бір рет өз біліктілігін арттырады.

• Сұрақтар: 0
• Жауаптар: 0
• 146
• 18.09.2023, 10:00
• 21.09.2023, 15:00
• «Ядролық физика институты» РМК