Нұржан Нұржігітов жоспарлы инвестициялық жобаларды жүзеге асыруды тапсырды

Жамбыл облысының әкімі Нұржан Нұржігітовтың төрағалығымен өткен инвестициялық штабтың кезекті отырысында инвесторлармен өзара байланыстың тиімділігін арттыру мәселелері талқыланды.

Инвесторлар химия кешенін салу (тұрмыстық химия, косметика, құрылыс химиясының өндірісі), бизнес-үдерістерді және халыққа қызмет көрсетуді жедел автоматтандыру платформасын енгізу, етті мал шаруашылығын дамыту жобаларын ұсынды.

Кездесуде жер телімдерін бөлу мен инфрақұрылымға қатысты мәселелер де көтерілді.

Сондай-ақ, аймақ басшысы бұған дейін ұсынылған инвестициялық жобалардың жүзеге асырылу барысымен де танысты.

Нұржан Нұржігітов «ПОШ-Тараз» фабрикасының басшылығымен шикізатпен қамтамасыз ету және импорт көлемін арттыру мәселелерін талқылады.

• 05.12.2022
• 200