Солтүстік Қазақстан облысында кезекте тұрған 186 отбасы баспанаға ие болды

Петропавлдағы Первомай көшесінде халықтың әлеуметтік тұрғыда аз қамтылған топтарына 2 көп қабатты үй салынды. Қоныс тойын 186 отбасы тойлап жатыр. Бұл жетімдер,  толық емес отбасылар, мүгедектер, ауған соғысының ардагерлері және көп балалы отбасылар.
⠀
Бұрын бұл жерде 4 апатты екі қабатты үй тұрған еді.  Бұл  үйлердің тұрғындары жайлы пәтерлерге ие болды. Соңғы үш жылда қалада 1 мыңнан аса апатты және ескі үй сүрілді. Бұл  бір мыңнан аса отбасы тұрмыстық жағдайларын жақсартты дегенді білдіреді.
⠀
Жалпы, облыста биыл 3 мың пәтер салынады, оның 625 пәтері мұқтаж азаматтарға арналған. 11 мың солтүстікқазақстандық қоныс тойын тойлайды. Өңірдегі 125 көпбалалы отбасы көптен күткен баспанаға ие болады. Биыл аудандарда кезекке тұрғандарға арналып 7 көпқабатты үй салынды.
⠀
2021 жылы «Берекеде» 556 пәтерлі 5 көп қабатты үйдің құрылысы аяқталады. Бұл 130 көпбалалы отбасы мен әлеуметтік топтардағы 400-ден астам отбасын баспанамен қамтамасыз етуге мүмкіндік береді.

• 25.11.2020
• 362