«Геодезия, картография және кеңістіктік деректер туралы» Заңы жобасы бойынша анықтама

       Қолданыстағы «Геодезия және картография туралы» Қазақстан Республикасының Заңы 2002 жылы қабылданды, сол уақыттан бері қандай да бір тұжырымдамалық өзгерістер енгізілген жоқ,  тек өткен жылы агроөнеркәсіптік кешен туралы заң шеңберінде ғана (әзірлеуші ҚР Ауыл шаруашылығы министрлігі) өзгерістер енгізілді, алайда  талап етілетіндей дәрежеде емес.

       Осыған байланысты, кеңістіктік деректер саласындағы инновациялық технологияларды, геодезия және картография саласындағы үздік халықаралық тәжірибелермен тәсілдерді ескере отырып, «Геодезия, картография және кеңістіктік деректер туралы» жаңа Заңның тұжырымдамасы әзірленді және 2020 жылғы 11 тамыздағы Заң жобалау қызметі мәселелері жөніндегі ведомствоаралық комиссияның отырысында мақұлданды, сондай-ақ заң жобасы Қазақстан Республикасы Үкіметінің 2021 жылға арналған заң жобалау жұмыстарының жоспарына енгізілді.

         Аталған Заң жобасының негізгі мақсаттары:

1. Геодезия және картография саласындағы заңнаманы заманауи талаптарға сәйкес келтіру;
2. Мемлекеттік саясатты үйлестіруді күшейту және геодезиялық, картографиялық қызметті реттеудің жалпы танылған халықаралық қағидаттары мен тәсілдерін енгізу;
3. Геодезиялық және картографиялық қызмет субъектілері үшін жаңа және жетілдірілген механизмдер енгізу;
4. Геодезия, картография және кеңістіктік деректер саласындағы мемлекеттік бақылауды жетілдіру.

       Заң жобасы бірқатар новеллаларды қарастырады:

1. Орталық және жергілікті мемлекеттік органдардың кеңістіктік деректерімен алмасуды автоматтандыру мақсатында, сондай-ақ шашыраңқы кадастрларды бір ақпараттық кеңістікке интеграциялау үшін кеңістіктік деректердің бірыңғай платформасын құру;
2. Кеңістіктік деректерді өзекті жағдайда біріздендіру, дамыту және қолдау есебінен карталарды үздіксіз түрде жаңартып отыру;
3. Жергілікті атқарушы органдарға функцияларды ішінара бөлу (карталарды жаңарту, мемлекеттік геодезиялық жүйелерді қорғауды бақылау);
4. Геодезия, картография және кеңістіктік деректер саласына өзін-өзі реттеу институтын енгізу;
5. Бюджет қаражаты есебінен орындалатын жұмыстардың қайталануын болғызбау арқылы шығыстарды оңтайландыру.

• 25.11.2020
• 575