Дін саласындағы мамандарға smm-насихаттау және әлеуметтік желілердегі профилактикалық жұмыстардың басқа өзге де аспектілері бойынша семинар-тренинг өткізу туралы

25 қараша күні Ақпарат және қоғамдық даму министрлігі Дін істері комитетінің ұйымдастыруымен теологтар мен дін саласындағы басқа да мамандарға арналған SMM-насихаттау және әлеуметтік желілердегі профилактикалық жұмыстардың өзге де аспектілері бойынша екі күндік оқыту семинар-тренингінің екінші күні өтеді.

Семинарға 150-ден астам адам – теологтар, дінтанушылар,психологтар, діни экстремизмнің алдын алу бойынша жұмыстарға тартылған ақпараттық-түсіндіру топтарының лекторлары және басқа да сала мамандары қатысады. Олар деструктивті және радикалды онлайн-насихатқа қарсы іс-қимыл бойынша жүргізіліп жатқан ақпараттық жұмыстардың деңгейін сапалы арттыруға мүмкіндік беретін әлеуметтік желілердегі контенттерді ілгерілету құралдарын тиімді пайдалану бойынша оқытылады.

Семинар жұмысын Дін істері комитетінің төрағасы Ержан Нүкежанов ашады. Семинар барысында  танымал журналист және блогер Өркен Кенжебек, сондай-ақ копирайтинг, PR және коммуникация мамандары өз тәжірибелерімен бөліседі.

Тренинг барысында дұрыс контент-жоспар жазу және визуалды контентті ресімдеу, аудиториямен жұмыс істеу, сондай-ақ SMM-дегі соңғы трендтер сынды мәселелер қарастырылады. Сондай-ақ, семинар-тренингке қатысушылар өздерін қызықтырған сұрақтарға жауап алып, оларды кеңінен талқылауға мүмкіндік алады.

• 25.11.2020
• 371