Құрметті Павлодар облысының тұрғындары! Қадірлі жерлестер!

Сіздерді Қазақстан Республикасының Тәуелсіздік күнімен шын жүректен құттықтаймын!

16 желтоқсан - халқымыздың азаттығы мен елдігін асқақтатқан, бәріміз үшін аса қастерлі күн. Бұл күні біз бостандық үшін қыршын кеткен қаһармандарымызды еске алып, рухтарына тағзым етеміз.

Мемлекет басшысы Қасым-Жомарт Тоқаев «Бай әрі терең тарихы бар еліміз үшін тәуелсіздіктен асқан құндылық жоқ. Егемендік - біздің ең киелі байлығымыз. Біз ата-бабаларымыз аңсаған Тәуелсіздікті қастерлей білуіміз керек», - деген еді.

Бүгінгі таңда еліміз жаңа кезеңге аяқ басып, әділетті Қазақстанды құру жолында ауқымды бастамаларды жүзеге асыруда.  

Павлодар облысының тұрғындары да осы бағытта елеулі үлес қосып келеді. Сіздердің күн сайынғы орасан зор еңбектеріңіздің арқасында өңіріміз ел экономикасында ерекше орынға ие болды. Аймағымыздың дамуы мен гүлденуі үшін жасап жатқан жұмыстарыңыз одан әрі арта береді деп сенемін.

Қымбатты жерлестер!

Әрбір шаңыраққа шаттық, әр отбасыға құт-береке, отанымызға тыныштық пен бейбіт өмір тілеймін!

Павлодар облысының әкімі

Асайын Байханов

• 28.12.2022
• 178