Көктөбе ауылында жол бойында қызмет көрсететін жаңа бекет ашылады

Өңір басшысы Асайын Байханов Май ауданына жұмыс сапары кезінде жобаны іске асыру барысымен танысты. Сонымен бірге Павлодар облысының әкімі мұнда бірқатар әлеуметтік нысандарды аралады.

2019 жылдың желтоқсанында іске қосылған Май топтық су құбырының су тазарту станциясы 15 елді мекенге қызмет көрсетеді. Ұзындығы 143,2 шақырым магистральдық желінің құрамында 94 құдық бар. Станцияның жобалық қуатытылығы тәулігіне 4150 текше метрді құрайды. Өңір басшысы келгенде алынған үлгілердің нәтижелері судың сапасы барлық санитарлық талаптарға сәйкес келетінін көрсетті.

Баскөл ауылында «Ауыл – ел бесігі» бағдарламасы бойынша 2024 жылы жергілікті мәдениет үйін жаңғырту жоспарлануда. Айта кету керек, мұнда эстрадалық-вокалдық және би бағыттарының бес үйірмесі, кітапхана және мемлекеттік қызметтердің өзіне-өзі қызмет көрсету бұрышы жұмыс істейді. Әлеуметтік нысанға барған кезде облыс әкімі ауылдағы мәдениетті дамытуға, сондай-ақ, балалар мен жасөспірімдер шығармашылығын қолдауға баса назар аударды. Мәдениет, тілдерді дамыту және архив ісі басқармасының басшысы Медет Тауасканға тұрғындардың сұраныстарын ескере отырып, іс-қимыл жоспарын әзірлеу міндеті жүктелді.

Келесі жылы аудан жол бойындағы сервистің жаңа нысанымен толығады. Жаңа нысан Көктөбе ауылының жанындағы Ақсу-Курчатов Ррспубликалық маңызы бар тас жолдың бойында орналасқан. Қоналқа 80 төсектік орынға арналған. «Ақжар-Өндіріс» АФ ЖШС директоры Гүлзира Қазылованың айтуынша, нысан іске қосылғанда мұнда жаңа он жұмыс орны ашылады. Асайын Байханов екі мың тоннаға шақталған көкөніс қоймасының жұмысымен де танысты. Кәсіпорын ағымдағы жылдың қараша айында іске қосылған еді.

Бұдан кейін Асайын Байханов кентішілік жолдардың жағдайымен танысты. Май ауданының әкімі Ағыбай Әмірин аудан орталығындағы 32 көшенің 17-де ғана асфальт жабыны жоқ екенін айтты. Осыған абйланысты тоғыз көшеге орташа жөндеу жүргізуге жобалау-сметалық құжаттама әзірленген.

Көктөбе орта мектебінде облыс әкімі қамқоршылық кеңестің өкілдерімен кездесті. Олардың айтуынша, мектеп ғимаратында жылу параметрлерінің төмендеуіне байланысты бөлек қазандық қажет. Өңір басшысы ұсынысты қолдап, аудан әкіміне жобаны іске асыру бойынша жобалық-сметалық құжаттаманы әзірлеуді тапсырды. Білім беру мекемесінде 405 оқушы білім алады. Шахмат, ақпараттық технологиялар, домбыра сабақтарына арналған кабинеттер жабдықталған, кітапхана жаңартудан өткен. Асайын Байханов ауылдағы Еркін Мұқашев атындағы жалпы орта білім беру мектебіне де барды. Айта кету керек, мектеп оқушылары жыл сайын түрлі облыстық байқауларда жүлделі орындарға ие болады.

• 28.12.2022
• 262