Павлодар облысында 200 бала Президенттің атынан сыйлықтар алды

ҚР Президентінің атынан ұйымдастырылған шырша мерекесі “Ертіс” қонақ үй кешенінде өтті. Шараға өңір басшысы Асайын Байханов қатысып, балаларды келе жатқан Жаңа жылмен құттықтады.

- Өздеріңіз білетіндей, 2022 жыл балалар жылы деп жарияланды. Президентіміз балаларға арналған спорттық және білім беру инфрақұрылымына көп көңіл бөледі. Біз жергілікті билік ретінде балалардың өз қабілеттерін дамыту үшін тең мүмкіндіктер беретін жағдай жасаймыз. Балабақшалар мен мектептерде тегін тамақтану, тегін жол жүру, мектептер, балалар алаңдары мен спорт нысандары салынды. Сіздер ел ертеңі, бақытты болашағысыздар. Оқудағы, шығармашылықтағы, спорттағы жетістіктеріңіз – жаңа әділетті Қазақстанның өркендеуі мен дамуының кепілі. Сіздерге мықты денсаулық, злр табыс пен биік мақсаттарға жетулеріңізді тілеймін! – деді Асайын Байханов.

Іс-шараға 9 жастан 12 жасқа дейінгі 200 бала қатысты. Олардың қатарында жетім балалар, ата-анасының қамқорлығынсыз қалған, аз қамтылған және көп балалы отбасылардан шыққан балалар, ерекше қажеттіліктері бар балалар мен оқу және спорт үздіктері болды.

- Балалар облыстың түрлі аудандарынан келді. Олар “Ертіс” қонақ үйінде тұрады және оларға ыстық тамақ беріледі, - деп атап өтті білім басқармасының балалардың құқықтарын қорғау бөлімінің басшысы Гүлмира Байғазинова.

  Әр бала Президент атынан сыйлық ретінде 150 000 теңге сомасына ашықхат, түрлі тәттілер, жұмсақ ойыншық, кітап пен сертификат алды.

Балаларға арналған “Қош келдің, Жаңа жыл – жаңа белес, жаңа арман” атты театрландырылған қойылымына қазақ ертегілерінің кейіпкерлері қатысып, музыкалық және би нөмірлері көрсетілді. Сондай-ақ, кішкентай қатысушылар үшін тәтті тағамдар ұйымдастырылды.

• 28.12.2022
• 151