Шәпкенов С.Ж.
Атырау облысының әкімі
Серік Шәпкенов Отан қорғаушылар күні және ҚР Қарулы күштерінің құрылғанына 30 жыл толуына арналған салтанатты шараға қатысты
Атырау облысының әкімі Серік Шәпкенов
Отан қорғаушылар күні және ҚР Қарулы күштерінің құрылғанына 30 жыл толуына арналған салтанатты шараға қатысты, деп хабарлайды облыс әкімінің баспасөз қызметі.
Жиында аймақ басшысы мерекемен құттықтап, әскери қызметшілердің ел қауіпсіздігін қамтамасыз етудегі ерен еңбегіне ерекше тоқталды.
- Тәуелсіздігімізді, ата-бабадан қалған ұлан-байтақ атамекенді, халқымыздың тыныштығы мен ырыс-берекетін күзететін Отан қорғаушылардың мерекесі құтты болсын! Мемлекет шекарасының қауіпсіздігін, Каспий теңізі секторында Қазақстан Республикасының экономикалық мүддесін абыроймен қорғап тұрған «Батыс» өңірлік қолбасшылығын, сарбаздарын бүгінгі төл мерекелерімен құттықтаймын! Ағаларымыз бен інілеріміз, ұлдарымыз, әр шаңырақтың қорғанышы – жалғыз Отанымыз Қазақстанның күзетінде әскери борышын өтеп жатыр, бүгінгі жас ұлан ертең Қазақстан Қарулы күштерінің қатарын толықтырады, деді Серік Шәпкенов.
Салтанатты шарада облыс әкімі Серік Шәпкенов әскери қызметшілерге Қорғаныс министрлігінің I,ІІ, ІІІ дәрежелі «Мінсіз қызмет үшін» медалін табыстады.
Қазақстан Республикасы Қорғаныс министірлігінің 1-ші дәрежелі «Мінсіз қызметі үшін» медалімен 51051 әскери бөлімі – майор Құлыбеков Медет Секенұлы марапатталады.
2-ші дәрежелі «Мінсіз қызметі үшін» медалімен – 51051 әскери бөлімінің 3-ші сыныпты сержанты – Таженов Мэлс Матжанұлы, 21642 әскери бөлімінің 3-ші сыныпты сержанты – Өтеғалиұлы Асылбек, 21642 әскери бөлімінің аға сержанты – Жасанғалиев Медет Жакиұлы, 41433 әскери бөлімінің 3-ші сыныпты сержанты – Қайбалдиева Гүлжазира Ғайсақызы марапатталады.
3-ші дәрежелі «Мінсіз қызметі үшін» медалімен – 51051 әскери бөлімінің 3-ші сыныпты сержанты – Иманалов Тимур Ерланұлы марапатталды.
Бұдан бөлек Қазақстан Республикасы қарулы күштерінің 30 жыл толуына орай бірқатар әскери облыс әкімінің алғыс хатымен марапатталды.
Ресми шара соңы жергілікті өнерпаздардың мерекелік концертіне ұласты.
- 29.12.2022
- 149
