Атырау облысының әкімі Түркия Республикасының бас консулын қабылдады

Атырау облысының әкімі Серік Шәпкенов Түркия Республикасының Ақтау қаласындағы Бас консулы Музаффер Акйылдырымды қабылдады, деп хабарлайды облыс әкімінің баспасөз қызметі. 
Кездесу барысында аймақ басшысы Атырау облысының Түркия Республикасымен сауда-экономикалық байланысы жанданып келе жатқанын және екі ел басшылары ынтымақтастықтың жоғары деңгейін белгілеп бергенін тілге тиек етті. 
- Жыл басынан бері Атырау облысының Түркиямен сыртқы сауда айналымы 439 миллион АҚШ долларын құрады. Бұл жұмысты алдағы уақытта күшейту үшін аймақтағы «Ұлттық индустриялық мұнай-химия технопаркі» арнайы экономикалық аймағына түрік кәсіпорындарын бірлесе жұмыс атқаруға шақырамын. Бұл жерде мұнай-химияны дамытуға барлық мүмкіндіктер қарастырылған, деді Серік Шәпкенов.            
Бүгінгі таңда аймақта түрік капиталының қатысуымен көтерме және бөлшек сауда, құрылыс және өзге де салалар бойынша 220 кәсіпорын тіркелген. 
Жыл басынан бері Атырау облысының Түркиямен сыртқы сауда айналымы 439 миллион АҚШ долларын құрады. Оның ішінде экспорт – 432,7 миллион АҚШ доллары ал импорт - 6,3 миллион АҚШ долларцн құрады.
Кездесу соңында қос тарап бірлескен жобаларды жүзеге асырудың жаңа формаларын іздестіруге және экономикалық байланысты одан әрі нығайтуға мүдделі екенін жеткізді.

• 29.12.2022
• 168