Атырау облысы әкімі Серік Шәпкеновтің Халықаралық балаларды қорғау күнімен құттықтауы

Құрметті атыраулықтар!
Халықаралық балаларды қорғау күні құтты болсын!
Президент Қасым-Жомарт Кемелұлы Тоқаев: «Балаларға ерекше қамқорлық жасауымыз керек. Олар – мемлекетіміздің жарқын болашағының кепілі»,– деп атап көрсетті.
Биылғы жыл «Балалар жылы» болып жарияланды.
Балалар – біздің әлемдегі баға жетпес байлығымыз. Біз жүрек жылуымыз бен аялы алақанымызды олардың дені сау, бақытты да ақылды, әрі ең бастысы– нағыз адам болып өсу жолына арнаймыз.
Бұл мереке әр періште сәбидің болашағы үшін бәріміздің жауапты екенімізді әрдайым еске салып тұрады. Өскелең ұрпаққа қолдау көрсету маңызды міндеттердің ең алдыңғы шебінде.
Байтақ елдің зерделі де зерек, білімді де білікті бақытты ұрпағы, Сіздер үшін елімізде барлық мүмкіндік бар.
Жасампаз істерді ізденіспен игіліктеріңізге пайдаланыңыздар!
Бұл мерекеге арналған лепті лебіздің ерекше бөлігі көп балалы ата-аналарға, сонымен бірге балаларды қабылдап, бауырына басқан мейірімді жандарға арналады.
Дана халқымыздың сан ғасырлық ақыл-ой қазынасын келешек ұрпаққа сабақтастықпен дарытып жүрген, кәсіби мамандықтары бала тәрбиесі, әлеуметтік саламен байланысты әріптестеріміздің еңбегі құрметке лайық.
Біз балалардың табыс, жеңістерімен мақтанамыз.
Жаз жайнатып, күн күлдіріп, асыға күткен жазғы демалыс та келіп жетті. Әр күн балаларымыз үшін естен кетпестей әдемі әсер қалдырсын!
Қымбатты балалар, баршаңызға ашық аспан, бақытты балалық шақ, қуанышты күндер мен жарқын болашақ тілеймін!

• 29.12.2022
• 306