Серік Шәпкенов Парламент Мәжілісінде Атырау облысы су шаруашылығының жай-күйі және оны дамыту жоспарлары туралы айтты

17 маусым, Нұр-Сұлтан Бүгін Мәжілісте Мемлекет басшысы Қ.К. Тоқаевтың 2021 жылғы 1 қыркүйектегі «Халық бірлігі және жүйелі реформалар – ел өркендеуінің берік негізі» атты Қазақстан халқына Жолдауын іске асыру аясында «Қазақстанның су саласын дамыту перспективалары» тақырыбында Парламенттік тыңдау өтті.
 Өз сөзінде С.Шәпкенов өңірдегі су саласының жағдайы мен даму перспективалары туралы айтып, бұл мәселенің аса өзекті екенін атап өтті. Ол депутаттарға Атырау облысындағы негізгі су объектілері Ақтөбе облысынан келетін Жем, Сағыз, Ойыл өзендері, Ресей Федерациясынан бастау алатын Жайық және Қиғаш өзендері, сондай-ақ Құрманғазы ауданындағы Қоянды және Қызылқоға ауданындағы Тайсойған жер асты суларының екі кен орны болып табылатынын еске салды.
Баяндама барысында Атырау облысы халқының 70%-ы Жайық өзенінен ауыз су алатынын атап өтті. Бұл облыс орталығы және тұрғындардың жалпы саны 468 мың адамды құрайтын үш аудан. Халықтың тағы 24%-ы (үш аудан – 162 мың тұрғын) Астрахань-Маңғышлақ магистралды су тартқышынан су алады. Бұдан басқа, құбырға «Теңізшевройл» (ТШО), «KUS» (KarabatanUtilitySolutions), «Болашақ» зауыты (NCOC) сияқты ірі өнеркәсіптік кәсіпорындар, сондай-ақ шаруа қожалықтары қосылған. Атырау облысы халқының қалған 6%-ы, бұл шамамен 38 мың адам, тұрғындар суды жер асты көздерінен алады. 
Бүгінгі күні өңір халқын орталықтандырылған ауыз сумен қамтамасыз ету деңгейі 99,6%-ды, ауылдық елді мекендер бойынша 83%-ды немесе 128 ауыл мен кентті құрайды.
- Алайда, Атырау қаласы мен Мақат ауданында халықты ауыз сумен қамтамасыз ететін су тазарту құрылыстары өткен ғасырдың 30-60 жылдары салынғанын ескерген жөн. Қазір олар апатты жағдайда тұр. Қазірдің өзінде ауыз су тапшылығы бар, алдағы бес жылда оның тапшылығы 40%-ға дейін артуы мүмкін, - деді С.Шәпкенов.  
Оның айтуынша, осыған байланысты тағы екі су тазарту станциясын іске қосу жоспарлануда. Астрахань-Маңғышлақ магистралдық суағарының өткізу қабілетінің жоспарлы ұлғаюына қарамастан, жүргізілген есеп бойынша су тапшылығының туындап отырғанын көрсетеді. Алдымен халықты таза ауыз сумен қамтамасыз етуге басымдық беру қажет, алайда мұнда өңір экономикасының негізін қалыптастыратын ірі өнеркәсіптік кәсіпорындардың да мәселелерін шешу қажет.
- Сондықтан, су өткізгіштің өткізу қабілетін арттыру үшін оны қайта жаңартуды және жоспарланған жөндеу жұмыстарын кешеуілдетуге болмайды деп санаймыз және сізден қолдауларыңызды сұраймыз, - деді Атырау облысының әкімі депутаттарға.
Ол сондай-ақ, ауыз су тапшылығын шешу үшін Көкжиде тұщы су кен орнының әлеуетін пайдалану қажет екенін еске салды. Бұл, әрине, халықтың денсаулығын жақсартуға оң әсерін тигізеді. Осыған байланысты С.Шәпкенов Экология министрлігіне техникалық-экономикалық негіздемені бірлесіп дайындау  жөнінде өтініш білдірді.

• 29.12.2022
• 276