Атырау облысы әкімі Серік Шәпкеновтің медицина қызметкерлері күніне арналған құттықтауы

Құрметті медицина саласының қызметкерлері,
ардақты сала ардагерлері!
Сіздерді кәсіби мерекелеріңіз – медицина қызметкерлері күнімен шын жүректен құттықтаймын!
Қандай қиын сәт пен ауыр жағдайда да дәрігерлер мен мейірбикелер адам жанының арашашысы бола білді.
Күні кеше ғана әлемге аранын ашқан пандемия тұсындағы адам жаны үшін айқастың алдыңғы шебінен көрінуі, күндіз-түні дамыл таппай еңбек етуі – соның жарқын дәлелі.
Сондықтан, бүгінгі мерекені денсаулық сақтау саласының барлық қызметкерлерінің ерен еңбегі бағаланатын күн деп атауға болады.
«Мемлекеттің басты байлығы – адам», олай болса, әр азаматтың денсаулығы – ұлт жетістігі.
Ұлтының жарқын болашағын ойлаған мемлекет алдымен азаматтарының денсаулығына көңіл бөледі. 
Соның ішінде келешек ұрпақтың жарқын болашағының кепілі болып табылатын денсаулық мәселесін жетілдіру – біздің басты назарда.
Сөз жоқ, ғылым мен техниканың соңғы жетістітерімен жарақтанған отандық медицина саласы айтарлықтай дамыды.
Облыс денсаулық сақтау мекемелерінің әлеуетін арттыру бағытындағы жұмыстар қарқынды жүргізілуде. Бұдан басқа заманауи, қолжетімді және сапалы медициналық көрсету үшін қажетті құрал-жабдықтар алынуда.
Бірақ, денсаулық сақтау саласының дамуындағы ең басты қозғаушы күш – Сіздерсіздер!
Әрдәйім адамзат баласы өз тағдырын қолдарыңызға сеніп тапсыратын киелі кәсіптеріңізді абыроймен атқарып, халық сеніміне ие болып келесіздер.
Сол үшін шынайы Алғысымды айтамын, барша ақ халатты абзал жандар!
Ел мүддесі жолындағы қиындығы мен қуанышы мол еңбектеріңізге табыс, отбастарыңызға амандық тілеймін.

• 29.12.2022
• 358