Құрметті жерлестер!

Сіздерді келіп жеткен жаңа жылмен шын жүректен құттықтаймын!
2022 жыл өңір үшін өзіндік қиындығымен қатар, табысқа мол жыл болды деуге болды. Дегенмен, қиындықтарға қарамастан, халқымыздың ынтымағы мен ауызбіршілігінің арқасында бейбіт өмір мен тұрақтылықты сақтадық. Өңірдің әдеуметтік-экономикалық дамуында да оң көрсеткіштерге қол жеткіздік.
 
Мемлекет басшысы Қасым-Жомарт Тоқаев: «Еліміздің баға жетпес байлығы және қайта құрудың негізгі қозғалтқышы – адамдар, біздің азаматтар. Сондықтан әр азамат өзінен бастауы керек. Бәрін ортақ іске жұмылдырмайынша, жергілікті әкімдіктер де, қандай да бір саяси шешімдер мен экономикалық тұтқалар да елді жаңарту мақсатына жетелей алмайды», деп Әділетті Қазақтан құрудағы халықтың ерекше рөлін атап өтті.
Сондықтан, алға қарай серпілу үшін ұтымды сәтті күтпей, қазірден бастап әрекет ету керекпіз.
Келер жылы Ақжайық өңірінің әр тұрғыны үшін құтты жыл боларына сенімдімін. Біз бір болып бірлігімізді бекемдей білсек, берекелі ел боламыз.

Қымбатты жерлестер!

2023 жылы облыста оң өзгерістер орын алатын болады. Президентіміздің саяси және әлеуметтік реформаларын іске асыру үшін барлық қажетті шараларды қабылдаймыз. Алдымызға қойылған мақсаттарға тек қана бірлесе жете аламыз.

Халқымызда «Өткен жылға өкпе жоқ, келер жылдан үміт көп» деген даналық сөз бар. Біз қашанда өткенге салауат айтып, болашақтан жақсылық күткен халықпыз.
Жаңа жылда еңбектеріңіз жемісті болсын! Баршаңызға зор денсаулық, табыс, отбасыларыңызға амандық тілеймін! Жаңа жылымыз берекелі болсын!

Жаңа 2023 жылмен құттықтаймын!

• 07.01.2023
• 303