Облыс әкімі жұмыс сапарымен Железин ауданына барды

Асайын Байханов сүт-тауар фермасының, ауыл мектебінің жұмысымен, қазандық пен жылу желілерінің жағдайымен танысты.

"Пахарь ШҚ" ЖШС-ің сүт-тауар фермасы өз жұмысын 2018 жылы бастаңан. Қазір өндірістің жобалық қуаттылығы тәулігіне 7,8 тонна сүтті құрайды. Сондай-ақ, фермада картоп, көкөністер, шалғын шөп және басқа да ауылшаруашылық дақылдары өсіріледі. Басшылықтың жаңа жобаларды енгізу арқылы кәсіпорын қызметін кеңейту жоспары бар.

Келесі аралау нысаны Моисеевка ауылы болды. Железин ауданының әкімі Айтуған Шайхимовтың айтуынша, ауылда жаңа мектеп салу жоспарланған. Бүгінгі таңда Моисеев мектебінің жаңа ғимаратының құрылысына өз қаражатын салуға дайын инвестор бар. Жоба кеңейтуді қажет етеді, кейін мемлекет дайын нысанды сатып ала алады.
- Ауылдарымызды жаңа мектептермен, ауруханалармен және басқа да әлеуметтік нысандармен қамтамасыз ету, оларды дамыту және абаттандыру – жергілікті атқарушы органдар жұмысының басым бағыты. Мемлекет тарапынан бұл жұмыс бір жылдан бірнеше жылға дейін созылуы мүмкін. Сондықтан мұны тезірек және сапалы орындауға мүмкіндік беретін жобалар сынақтан өткізіліп, оң нәтиже берген жағдайда кеңінен іске асырылуы тиіс, - деп атап өтті Асайын Байханов.

Бұдан кейін өңір басшысы Железинка ауылындағы жылумен жабдықтау жүйесінің жұмысымен танысты, онда 5 қазандық 68 нысанды, 445 жеке меншік үйді, 204 пәтерді орталық жылумен қамтамасыз етеді. Жақын арада аудан орталығында 266,5 млн.теңге сомасына жылу желісі мен құрылыстарды жаңарту жоспарланған.

Сондай-ақ, облыс әкімі ауданның ауылдық округтерінің әкімдерімен жұмыс кеңесін өткізіп, халықпен жұмыс істеудің маңыздылығын ерекше атап өтті. Аудан тұрғындары жергілікті атқарушы органдардың жұмысы туралы хабардар болуы, ауылдардың тіршілігін қамтамасыз етудің неғұрлым проблемалық мәселелерін шешуге қатысуы, осы немесе өзге мәселелер бойынша өз пікірін білдіре алуы тиіс. Асайын Байханов тұрғындармен тиімді қарым-қатынас орнатуды, халықпен тұрақты негізде кездесулер өткізуді және сұрақтар туындаған кезде кері байланыс орнатуды тапсырды.

• 09.01.2023
• 139