жаңалықтар

Павлодар облысында орта бизнес қуаттылығының жүктемесі 75%-ға жетті

Павлодар облысының әкімі Әбілқайыр Сқақов ОКҚ-да өткен баспасөз конференциясында карантин шараларының салдарынан зардап шеккен шағын және орта бизнесті қолдау туралы айтып берді.

Өңірдегі ШОБ үш негізгі бағыт бойынша көмек көрсетеді: кәсіпорындардың өндірістік қуаттарының жүктемесін ұлғайту, мемлекеттік бағдарламалар бойынша несие беру және ісін жаңа бастаған кәсіпкерлерді қолдау.

- Құрылыс индустриясы, жеңіл өнеркәсіп, металл және ағаш бұйымдарын өндірушілердің, сондай-ақ ауыл шаруашылығы тауарларын өндірушілердің қуаттылығы барынша іске қосылды. Нәтижесінде 10 айда кәсіпорындардың жүктемесі 75%-ға жетті. Бұдан басқа, ірі кәсіпорындардың сатып алуларындағы жергілікті қамту үлесін арттыру бойынша жұмыстар үнемі жүргізілуде, - деді Әбілқайыр Сқақов.

Павлодар облысында 10 айда шағын және орта бизнесті несиелеу көлемі 75 млрд теңгеден асты.

Облыс әкімі Halyk Bank-пен бірлесіп жүзеге асырылып жатқан жас кәсіпкерлерге несие ұсыну бағдарламасына жеке тоқталды: олар 7 жылға кепілсіз 5% - бен 15 миллион теңгеге дейін қарыз ала алады.

-«Zhas-Halyk. Ertis» бастауыш кәсіпкерлерді қолдаудың үшінші бағытына кіреді Осы бағыт бойынша облыста шағын индустриялық аймақтар ашылуда, онда ісін жаңа бастаған кәсіпкерлерге үй-жайлар тегін беріледі. Бұдан басқа, біз оларға бизнес-идеяны іске асырудың барлық сатыларында жан-жақты сервистік қолдау көрсетеміз, - деді Әбілқайыр Сқақов.

Павлодар облысында өнеркәсіптің өсу қарқыны 10 айдың қорытындысы бойынша 100,4%-ды құрады, 1,6 трлн теңгеге өнім өндірілді. Тау-кен өндіру секторында мыс концентратын, өңдеу секторында-ферросилиций мен металл конструкцияларын өндіру, сондай-ақ машина жасау өндірісі артты. «Проммашкомплект» ЖШС өткен жылмен салыстырғанда теміржол дөңгелектерін 4,4 есеге артық шығарды.

• 26.11.2020
• 387