СҚО-да аудандық ауруханаларға арналған 14 санитарлық көлік сатып алынды.

Биыл Президенттің бастамасымен «Ауылдық денсаулық сақтауды жаңғырту» ұлттық жобасын жүзеге асыру басталды. Жобаның арқасында ауылдарда медициналық көмек қолжетімді болып, ауыл тұрғындарына дер кезінде шұғыл көмек көрсету қамтамасыз етілмек. Бұл жұмыстың аясында 14 жаңа санитарлы көлік алынды.

Бұл машиналар аудандарда жіберіліп, ауыл тұрғындарына қызмет етпек. Осының арқасында облыстағы көліктердің тозуы 73 пайыздан 63 пайызға дейін төмендейді.

Барлығы денсаулық сақтау жүйесі бойынша 45 көлікті ауыстыру қажет. Бұл мәселені шешу үшін  көлік паркін жаңартуды жалғастырамыз. 2023 жылы тағы 10 көлік сатып алу жоспарлануда.

Ұлттық жоба аясында өңірде 46 медициналық мекеме салынбақ. Бұл емхана, ФАП, дәрігерлік амбулатория пен медпункттер.

• 19.01.2023
• 315