Жамбылда етті құс шаруашылығын дамыту бойынша инвестициялық жоба жүзеге асуда

Жамбыл облысының әкімі Нұржан Нұржігітов «Алел Агро» АҚ өкілдерімен кездесті. Кеңеске бірқатар аудандар мен облыс орталығының әкімдері онлайн режимде қатысты.

«Алел Агро» АҚ Жамбыл облысында ет бағытындағы құс шаруашылығын дамыту бойынша инвестициялық жобаны жүзеге асыруда. Жиын барысында құс етін өңдейтін фабрика мен жем зауыты құрылысының жобасы, жер телімдерін бөлуге қатысты мәселелер талқыланды. Фабриканың жобалық қуаты – жылына 49500 тонна құс етін өндіру. Бүгінде Байзақ ауданында қуаттылығы сағатына 20 тоннаны құрайтын жем зауыты іске қосылған.

Сондай-ақ, компания келісімшарттық негіздегі шаруашылықты да дамытуды көздеп отыр.

Нұржан Нұржігітов аудан әкімдеріне, ауыл шаруашылығы басқармасына және «Тараз» ӘКК-ге нақты тапсырмалар жүктеді.

• 20.01.2023
• 279