Дін істері комитетінің төрағасы Ержан Нүкежанов АҚШ-тың «LYN Community» ҮЕҰ-ның президенті У. Кусакпен кездесті.

 Ағымдағы жылы19 қаңтарда ҚР Ақпарат және қоғамдық даму министрлігінде Дін істері комитетінің төрағасы Ержан Нүкежанов АҚШ-тың «LYN Community» ҮЕҰ-ның президенті У. Кусакпен кездесті.Кездесу барысында тараптар республикадағы әртүрлі діндер мен конфессиялар өкілдері арасындағы өзара түсіністік пен ынтымақтастықты одан әрі тереңдетуге ықпал ететін жобаларды жүзеге асыру мәселелерін талқылады. Өз кезегінде У. Кусак Министрліктің діни бостандық және конфессияаралық диалог орнату мәселелерін талқылау бойынша іс-шараларды өткізуге көмек көрсетіп жатқанына алғысын білдірді. Кездесу соңында Е. Нүкежанов Министрлік конфессияаралық келісім мен діни сенім бостандығы саласын дамытуға ерекше көңіл бөлетінін атап өтіп, АҚШ-тың «LYN Community» ҮЕҰ-мен одан әрі жемісті ынтымақтастық пен өзара түсіністікке сенім білдірді.

• 25.01.2023
• 242