Түркия Республикасының Қазақстан Республикасындағы Төтенше және Өкілетті Елшісі Уфук Екиджимен кездесу

Жүздесу түрік тарапының бастамасы бойынша Өкілетті елшінің миссиясының аяқталуына орай өтті.

Жиын барысында Дархан Қыдырәлі ҚР Президенті жүргізіп жатқан реформалар туралы және министрлік жетекшілік ететін салалар бойынша ақпарат берді.

Министр: «Кейінгі үш жылда қазақ-түрік қатынастары одан әрі нығайып,  қос тарап түрлі салаларда, әсіресе медиа, жастар саясаты бағытында бірқатар бірлескен жоба жүзеге асты", - деді.

Өз кезегінде Уфук Экиджи мырза министрліктің құзіретіндегі салалардың қызметіне жоғары бағасын берді.

Кездесу соңында Дархан Қыдырәлі Уфук Екиджи мырзаның дипломатиялық миссияның аяқталуына орай, алдағы маңызды әрі жауапты қызметтеріне толайым табыстар тіледі.

• 31.01.2023
• 197