Қытай Атом энергиясы институтының (CIAE) мамандарымен кездесу

15 ақпанда Қазақстан Республикасының Ұлттық ядролық орталығы
(ҚР ҰЯО) және Қытай Атом энергиясы институты (CIAE) мамандарының онлайн-кездесуі өткізілді, онда тараптар ғылыми қызмет бағыттары туралы ақпаратпен алмасып, екіжақты ынтымақтастықтың ықтимал бағыттарын талқылады.

ҚР ҰЯО және CIAE атом энергетикасының қауіпсіздігі саласындағы ғылыми зерттеулердің үлкен тәжірибесіне ие, әрқайсысының дамыған және өзіндік бірегей зерттеу базасы бар. Осының барлығын екіжақты табысты ғылыми-техникалық ынтымақтастықты дамыту алаңына айналдыруға болады.

Алғашқы талқылау қорытындысы бойынша CIAE мамандары жеке техникалық кездесу өткізу және кәсіпорынның зерттеу базасымен (реактор кешендері, стендтер) жан-жақты танысу мақсатында ҚР ҰЯО-ға келуге ниет білдірді.

Анықтама. Қытай Атом энергиясы институты (CIAE) – ядролық физика, радиохимия, реакторлық инженерлік технологиялар, ядролық электроника, изотоптық технологиялар, радиациялық метрология және радиациялық қауіпсіздік салаларында мамандандырылған көп салалы ғылыми-зерттеу институты. 

• 17.02.2023
• 244