IX Азаматтық форумның жабылуы аясында елдің дамуына қосқан үлесі үшін ҮЕҰ сыйлығын тапсыру рәсімі өтті

2020 жылдың 27 қарашасында, IX Азаматтық форумның пленарлық сессиясы барысында Ақпарат және қоғамдық даму министрі Аида Балаева еліміздің дамуына қосқан үлесі үшін ҮЕҰ сыйлықтары байқауының жеңімпаздарын марапаттады.

Ұйымдастырушылардың айтуынша, ҮЕҰ үшін сыйлықақы 2017 жылдан бастап ҮЕҰ-ны ынталандыру тетігі ретінде енгізілген. Бұл ҮЕҰ әлеуетін, материалдық және кадрлық ресурстарды дамыту мен нығайтудың, қоғамдық пайдалы жобаларды іске асыру үшін уәждемені арттырудың нақты мүмкіндігі.

Осы жылдар ішінде 223 ҮЕҰ сыйлық иегері атанды, ағымдағы жылы 38 ҮЕҰ сыйлық алды. Сыйлық жеңімпаздарының қатарында: «Жаңару» сыбайлас жемқорлыққа қарсы жалпыұлттық қозғалысы» РҚБ, «Қамқорлық» дағдарыс орталығы, «Алматы облысы Қазақ соқырлар қоғамы» «Алтын арқау» ҚБ, «Атырау Рауан» ҚҚ, «Бастамаларды қолдау» ҚБ және басқалары.

ҮЕҰ үшін сыйлықақы – 15 маңызды бағыт бойынша әлеуметтік міндеттерді шешуге қосқан үлесі үшін үкіметтік емес секторды мемлекеттік қолдау тетігі.

Комиссияның қарауына еліміздің барлық өңірлерінен қоғамдық ұйымдардан 109 өтінім келіп түсті. Ең көп өтінім халықтың әлеуметтік осал топтарын қолдау бағыттары бойынша келіп түсті – 24, білім, ғылым, ақпарат, дене шынықтыру және спорт саласындағы мақсаттарға қол жеткізу – 14, азаматтық қоғамды дамытуға жәрдемдесу – 11, жастар саясаты мен балалар бастамаларын қолдау, сондай – ақ азаматтық қоғамды дамытуға, оның ішінде үкіметтік емес ұйымдар қызметінің тиімділігін арттыруға жәрдемдесу бағыттары бойынша – 10 өтінім.

Естеріңізге сала кетейік, бүгін «Қоғам және мемлекет: серіктестік пен дамудың 30 жылы «Birgemiz» IX Азаматтық форумының пленарлық сессиясы өтті.

• 30.11.2020
• 440