Еуропадағы қауіпсіздік және ынтымақтастық ұйымының Астанадағы бағдарламалар Кеңсесінің басшысы Фолькер Фробартпен кездесу

ҚР Ақпарат және қоғамдық даму министрі Дархан Қыдырәлі Еуропадағы қауіпсіздік және ынтымақтастық ұйымының Астанадағы бағдарламалар Кеңсесінің басшысы Фолькер Фробартпен кездесті.

Кездесу барысында тараптар бүгінгі таңда кең талқыланып жатқан «Масс-медиа туралы» заң жобасы жөнінде өзара пікір алмасты. Бұл заң жобасы журналистердің мәртебесін көтеруге бағытталған.

Бұған қоса,  онлайн-платформалар мен интернет-жарнаманың қызметін реттеуге бағытталған жеке заң қабылдау, ақпаратқа қол жеткізу жөніндегі заңға түзетулер енгізу мәселелері де сөз болды.

Жиын соңында ҚР АҚДМ мен Еуропадағы қауіпсіздік және ынтымақтастық ұйымының Астанадағы бағдарламалар Кеңсесі бірлескен жобаларды іске асыруды жалғастыруға өзара ниет білдірісті.

(с) ҚР Ақпарат және қоғамдық даму министрлігінің баспасөз қызметі.

• 29.03.2023
• 232