Азаматтарды жеке мәселелері бойынша қабылдадым

Қабылдауда қойылған сұрақтарға сәйкес қала және аудан әкімдіктері мен басқарма басшылары қатысты.

Қабылдауға келген тұрғындар өтініші мен ұсыныстарының дені әлеуметтік мәселелерге бойынша болды.

Облыс әкімінің қабылдауына Ақжайық ауданының тұрғыны өзі тұратын Тайпақ ауылында дәрігер жетіспеушілігі барын жеткізіп, Тайпақ ауылындағы емханаға аудандық мәртебе беру ұсынысымен жүгінді.
9 640 тұрғыны бар Тайпақ ауылы – Чапаев аудан орталығынан 150 км қашықтықта, ал облыс орталығынан 275 км қашықтықта орналасқан. Тайпақ ауылында тұрғындар қаралып ем алатын, шұғыл медициналық көмек көрсететін ауылдық ауруханасы бар. Ауылдық ауруханада 137 қызметкер бар, оның ішінде 12 дәрігер, 88 орта буын медицина қызметкерлері, 18 кіші медициналық қызметкер қызмет етеді. Барлығы 4 жалпы  тәжірибелі дәрігерлері, инфекционист (зейнеткер), терапевт-эндокринолог, невропатолог (зейнеткер), стоматолог бар, сонымен қатар УЗИ дәрігері, педиатр, рентгенолог, онколог мамандарының қызметін жалпы тәжірибе дәрігерлері қосымша атқаруда.

Бұдан бөлек, қабылдауға келген азамат балық шаруашылығына қатысты «Киров» су қоймасының жалдау мерзімін ұзарту мәселесімен жүгінді.

Сондай-ақ, қабылдауға келгендердің кәсіпкерлікті қолдау, тұрғын үй, жол мәселесіне қатысты ұсыныстары мен өтініштері облыс әкімі тарапынан қолдау тауып, тиісті сала мамандарына тапсырмалар берілді.

• 05.04.2023
• 215