Тағайындау

Биыл облысқа жұмыс сапары барысында Мемлекет басшысы Рудный қаласының әлеуметтік-экономикалық дамуына ерекше назар аударуды тапсырған болатын. 
Президенттің тапсырмасын орындау мақсатында Рудный қаласының бюджеті биыл 1,6 есеге ұлғайып, 47,1 млрд. теңгені құрады.
Қаражат экономиканың маңызды салаларын дамытуға, атап айтқанда жылумен жабдықтау, көлік инфрақұрылымы, тұрғын үй құрылысы, жарықтандыру тб. салаларға жұмсалады. 
Қазіргі уақытта Рудный қаласының жылумен жабдықтау желілерінің 67% тозған. Жылумен жабдықтау желілерін қалпына келтіру үшін  5,4 млрд.теңгеге 6 жоба іске асырылатын болады, бұл өткен жылдан 2 есе көп. Сондай-ақ, 2024 жылы 4,5 млрд. теңгеге 3 жобаны іске асыру жоспарланған. 
Нәтижесінде жылу желілерінің тозуы 67% - дан 54% - ға дейін төмендейді. Жылумен жабдықтау бойынша жағдайды бақылауда ұстау қажет және 2029 жылға қарай тозуды 43% - ға дейін төмендету жоспарланған.
Рудныйдың әлеуеті зор. Мұнда жұмыс орындарын құру, халықтың бос уақытын ұйымдастыру, қала келбетін көркейту іспетті шаралар жүзеге асырылуы қажет. 
Қаланы одан әрі дамыту, оны абаттандыру және тұрғындардың өмірін жақсарту қаланың жаңа әкімінің басым бағыттарына айналуға тиіс.

• 18.04.2023
• 168