«ЭҚРҚО» АҚ USAID жобалары шеңберінде Непал Федеративтік Республикасынан делегация қабылдады

2023 жылғы 20 сәуірде «ЭҚРҚО» АҚ алаңында Непал Федеративтік Республикасының делегациясымен, USAID «Урджа Непал», «Орталық Азия энергетикасы» және «Орталық Азия» жобаларының өкілдерімен кездесу өтті.   

Делегация ҚР Энергетика министрлігінің қолдауымен АҚШ-тың Халықаралық даму агенттігінің (USAID) «Урджа  Непал» (Urja Nepal) және «Орталық Азия энергетикасы» (Power Central Asia) жобаларымен бірлесіп ұйымдастырылған танысу сапары шеңберінде Қазақстанға келді.

Непалдың энергетикалық компаниялары мен USAID жобаларының 22 өкілі Қазақстанға келіп, ең төмен бағамен неғұрлым тиімді жобаларды іріктеуге бағытталған ЖЭК жобаларын іріктеу бойынша аукциондық сауда-саттық тетігін енгізу бойынша Қазақстанның тәжірибесін зерделеу және талқылау үшін келді.

Непал делегациясының құрамына: Энергетика, Су және Ирригация министрлігінің (ЭСИМ), Су және Энергетика жөніндегі комиссияның, инвестициялық кеңестің, электр энергетикасын дамыту департаментінің, электр энергетикасын реттеу жөніндегі комиссияның, баламалы энергияны ілгерілету орталығының, Непалдың Электр энергетикасы басқармасының, сондай-ақ USAID-тің «Урджа Непал» жобасының өкілдері кірді. Делегацияны ЭСИМ өкілі Сандип Дев басқарды.

«ЭҚРҚО» АҚ атынан Стратегия және Қызметті қамтамасыз ету жөніндегі Басқарушы директор – Басқарма мүшесі А. В. Доронин және Нарықтарды дамыту департаментінің директоры А. А. Шағырбаева кездесуге қатысушыларды Қазақстан Республикасында ЖЭК жобаларын іріктеу бойынша аукциондық сауда-саттықты өткізу тәртібімен таныстырды. Сондай-ақ, нақты уақыт режимінде Имитациялық сауда-саттық өткізу арқылы сауда жүйесі таныстырылды.

Кездесу барысында келесі мәселелер талқыланды:

- ЖЭК жобаларын іріктеу бойынша аукциондық сауда-саттықты өткізуді ұйымдастыру ерекшеліктері;

- екі елдің энергия жүйелерінің ағымдағы жағдайы туралы сұрақтар;

- ЖЭК игерудегі Үкіметтің рөлі;

- ЖЭК дамыту;

- ЖЭК дамытуға жеке сектордың инвестицияларын тарту жөніндегі шаралар;

- ЖЭК нарығының жұмыс істеуіндегі кедергілер.

Сонымен қатар, қазақстандық тарап Непал Федеративтік Республикасына ЖЭК жобаларын іріктеу бойынша аукциондық сауда-саттықты ұйымдастыру және өткізу мәселелерінде, сондай-ақ жобаны әдіснамалық және техникалық сүйемелдеуде қолдау көрсетуге дайын екендігін білдірді.

• 24.04.2023
• 141