Облыс әкімі Асайын Байханов Екібастұз қаласының кеншілерімен және энергетиктерімен кездесті

Бүгін Екібастұздың еңбек ұжымдарында азаматтарды қабылдаудың бірыңғай күні өтті. Өңір басшысы Асайын Байханов «Б.Нұржанов атындағы МАЭС - 1» АҚ, «МАЭС - 2» АҚ және «Богатырь Көмір» ЖШС разрезінің қызметкерлерін қабылдады.

Кеншілер мен энергетиктер жеке қабылдауда өздерін толғандыратын сұрақтарын тікелей қоя алды. Облыс әкімі қабылдауға келген кәсіпорын қызметкерлерінің сауалдарына нақты жауаптар беріп, кейбір мәселелер бойынша тиісті мемлекеттік органдарға тапсырмалар берді.

Сондай-ақ, әкіммен бірге облыстық басқармалардың басшылары, сондай-ақ, прокуратура мен полиция департаментінің өкілдері кеңес берді. Барлығы 152 адам қабылданды. Әрбір өтініш бойынша тиісті шаралар қабылданады, олардың ешқайсысы шешімсіз қалмайды

• 10.05.2023
• 114