Бейімбет Майлин ауданы

Өнімді жаңа егінге дейін сақтау мүмкіндігі бар заманауи көкөніс қоймаларын салу бағаны ұстап тұрудың тиімді шараларының бірі болып табылады. Бізде өндірілсе де, сақтай алмай жүрген өнім құны да көтерілуде. Бұл мәселе тез арада шешілуі керек. Жобалардың бірі - Б. Майлин ауданында 6 мың тоннаға көкөніс қоймасын салу, бұл өңірді азық-түлік қорымен қамтамасыз етуге және бағаны тұрақтандыруға септігін тигізуі тиіс.
Жалпы, ауданның әлеуметтік-экономикалық дамуы үшін ағымдағы жылға 7,3 млрд. теңге көлемінде қаражат көзделген. Оның ішінде ауылдарды сумен жабдықтауға 1,5 млрд.теңге бөлінді, бұл өткен жылмен салыстырғанда 1,7 есе көп. Жолдарды жөндеуге 1,452 млрд.теңге, оның ішінде елді мекендердің көшелерін жөндеуге - 672,7 млн. теңге, аудандық жолдарды жөндеуге - 779,7 млн. теңге қарастырылған. Елді мекендерді жарықтандыруға 61,5 млн. теңге бөлінді.
Тағы да еске салғым келеді, ауылдағы ірі бизнес өз тарапынан дамуға және абаттандыруға инвестиция салуы керек. Өз қызметкерлерін-тұрғын үймен, жақсы жалақымен, лайықты әлеуметтік пакетпен қамтамасыз етумен айналысуы керек.

• 11.05.2023
• 243