Облыс әкімі Асайын Байханов Аққулы ауданындағы шіркейге қарсы өңдеу жұмыстарының басталуын тексерді.

Фенологиялық бақылаулар Ертіс арнасын өңдеудің оңтайлы кезеңі басталғанын көрсетті. Өзенді өңдеу екі кезеңмен жүреді. Өзеннің бүкіл ағысы бойынша ғылыми топ ұсынған препаратты төгетін 8 орын белгіленді. Биологиялық препаратты баржалар мен қайықтардан төгу Бесқарағай ауылының бас жағынан төмен қарай Омбы облысының шекарасына дейінгі аумақта жүргізіледі. 10 күннен кейін өңдеудің екінші кезеңі басталады. Ертістің негізгі ағыстарын өңдеу препаратты баржалардан төгумен бірге мобильді түрде қайықтардан төгіледі. - Ертістің негізгі салалары Белая, Подстёпка, Талинка, Тюлька, Қаратүн және Аққулы ауданындағы негізгі арнасына назар аударуды тапсырамын. Шіркейлердің шығуының алдын-алу үшін барлық салалар өңделу қажет,- деп атап өтті өңір басшысы. Сондай-ақ, Асайын Байханов Аққулы ауданына жұмыс сапары барысында "Ауыл - ел бесігі" бағдарламасымен жүргізіліп жатқан Жамбыл ауылындағы Мәдениет үйі мен орта мектепті күрделі жөндеу мен Қызылқоғамдағы су құбырының құрылыс жұмыстарын тексерді.

• 30.05.2023
• 119