Шалғайдағы аудандарға бару

Облысымыздың шалғай әрі шекаралас Бидайық ауылына барып, оның тыныс-тіршілігімен таныстым. Уәлиханов ауданындағы ауылдың тұрғындарымен болған кездесуде елді-мекеннің дамуы туралы айтылды. Биыл Бидайықта көптеген жұмыстар атқарылмақ. Ауыл көшелеріне асфальт төсеу жұмысы басталып кетті. Сондай-ақ, Бидайықта биыл су тарату желілері тартылып, мектепті жөндеуге қаржы қарастырылмақ.

Ақжар ауданындағы шекаралас Восход ауылының тұрғындарымен өткен кездесуде де біраз мәселелер шешімін тапты. Халықтың көкейінде жүрген мәдениет үйінің акт залын жөндеуге қаржы бөлінеді. Ауылдың негізгі көшелері жөнделіп, мектеп те жаңартылмақ. Ұлттық жоба аясында келесі жылы медициналық пункт салынады. Ауылда кәсіпкерлік те дамуда, мұнда наубайхана ашылып, тұрғындарды нан және кондитерлік өніммен  қамтамасыз етуде. 

Оған қоса, Уәлиханов пен Ақжар аудандарының тұрғындары көптен күткен Талшық пен Кішкенекөлді жалғайтын жолды қайта жаңғырту басталып кетті. Үш жылда 31 шақырым жол жөнделмек.
 

• 19.06.2023
• 178