Мағжанның мерейтойы

Қазақтың біртуар ақыны, жерлесіміз Мағжан Жұмабаевтың туғанына 130 жыл толды. Өңірге жұмыс сапары барысында Мемлекет басшысы Қасым-Жомарт Тоқаев ақиық ақынның мерейтойын жоғары деңгейде өткізіп, мәдени-тағылымдық іс-шараларды ұйымдастыруды тапсырды.

Мерейтойдың негізгі салтанатты шарасы ұлы ақынның туған жері - Сарытомарда өтті. Президенттің атынан құттықтау хатын мерейтойға арнайы келген ҚР Парламенті Мәжілісінің төрағасы Ерлан Жақанұлы Қошанов оқып, барша жиналған қауымды Мағжан Жұмабаевтың 130 жылдығымен құттықтады.

Биыл Мағжан жылы деп белгіленіп,  мерейтойға орай жыл басынан бері түрлі шаралар өткізілуде. Жазба ақындар мүшәйрасы мен халықаралық ақындар айтысы көптің көңілінен шықты. Шетелдік және отандық зиялы қауымның басын қосқан ғылыми-тәжірибелік конференцияда Мағжанның мұрасы туралы тың ойлар айтылды.

Мағжан салған сара жолды болашақ ұрпаққа жеткізу, артында қалған ұлы мұрасын дәріптеу - ортақ парызымыз. Мағжан аңсап кеткен Тәуелсіздігімізді бекемдеп, елімізді дамыту – баршамызға  үлкен міндет

• 29.06.2023
• 165