Тарихи Тараз және ежелгі Олимпия: ынтымақтастықты нығайту мәселелері талқылқанды

Жамбыл облысының әкімі Нұржан Нұржігітов Грекияның ежелгі Олимпия қаласының мэрі Георгиопулос Георгиоспен кездесті.

Кездесуге Қазақстан-Грекия Іскерлік Кеңесінің тең төрағалары Жақсыбек Күлекеев, Ламнидис Томас, Грек Республикасындағы Қазақстан Республикасы Елшілігінің кеңесшісі Бақытжан Сүйіндіков те қатысты.

Тараптар түрлі салалардағы екіжақты ынтымақтастықты нығайтудың бүгінгі жағдайы мен алдағы жоспарын талқылады. Негізгі  салалардағы сауда-экономикалық және инвестициялық өзара қарым-қатынасты артыруға, мәдени-гуманитарлық, білім беру және спорт салаларындағы байланысқа ерекше назар аударылды.

Жамбыл облысының Грециямен тауар айналымы 2022 жылы 3,3 миллион АҚШ долларын құраған.

Бүгінгі таңда облыста грек ұлтының 2 мыңға жуық өкілі тұрады. 1989 жылы Жамбыл облыстық гректер қоғамы құрылған.

Георгиопулос Георгиос екі ел арасындағы, оның ішінде өңірлік деңгейдегі ынтымақтастықты одан әрі нығайтуға сенім білдірді.

Сондай-ақ, Ежелгі Олимпия мэрі мен құрметті қонақтар «Ежелгі Тараз» тарихи-этномәдени кешеніне, «Анаға тағзым» орталығына, Қарахан, Айша бибі, Бабаджи-Хатун кесенелеріне, «Тектұрмас» этно-тарихи кешеніне, гимнастика және үстел теннисі орталықтарын аралады.

• 29.06.2023
• 198