Қорғаныс министрінің Бұқаралық ақпарат құралдары қызметкерлері күнімен құттықтау сөзі

Құрметті журналистер, бұқаралық ақпарат құралдарының қызметкерлері!

Бүгін біз баршамызды тың жаңалықтармен хабардар ететін жандардың мерекесін атап өтудеміз. Сіздер өз жұмыстарыңызды қауіп-қатерлерге қарамастан атқарып, қоғамға болып жатқан оқиғаларды объективті әрі шынайы түрде жеткізесіздер.

Журналистер қатарында өз мамандығының нағыз шеберлері жұмыс істейді, олар әрқашан өз кәсібінің асыл мұраттарына берік болып қалады. Адал және қажырлы еңбек атқара отырып, сіздер оқырмандардың және көрермендердің ризашылығы мен құрметіне ие болдыңыздар. Біз әлемге сіздердің көздеріңізбен қараймыз және жасаған жұмыстарыңыз үшін үлкен алғыс айтамыз!

Өкінішке орай, бүгінде ақпарат адамдардың мүдделеріне де, жалпы мемлекетке де үлкен зиян келтіретін қуатты қаруға айналды.

Бұл қиын жағдайларда сіздердің объективті және сыни көзқарастарыңыз шындыққа ұласпайтын ақпаратты таратуға сенімді тосқауыл бола алады. Сондықтан отандық бұқаралық ақпарат құралдары халқымыздың бірлігін нығайтуда маңызды рөл атқарады.

Армияның күнделікті өмірін жариялау, Қарулы Күштерде болып жатқан бірде бір оқиғаны қалт қалдырмай, оны уақытылы жеткізу бағытында біздің әскери журналистер де ақпарат майданында дамылсыз қызмет атқаруда. Олар өз мақалаларында әскери қызметшілерге қажетті қасиеттерді тәрбиелеуге бағытталған ақпаратты алып жүреді,  Қарулы Күштердің имиджін көтереді, патриотизм мен азаматтықты дамытады, қоғамды әскери қызметшілердің өмірі, өз жұмысын, әскери және конституциялық борышын атқарып жүрген қазіргі уақыттың батырлары туралы шынайы түрде хабардар етеді.

Барлық журналистер мен БАҚ қызметкерлерін мерекемен құттықтаймын!

Жаңа табыстар мен қызықты жаңалықтар тілеймін.

• 29.06.2023
• 168