Сіздерді Қазақстан Республикасының Тәуелсіздігі күнімен шын жүректен құттықтаймын!

Сіздерді Қазақстан Республикасының Тәуелсіздігі күнімен шын жүректен құттықтаймын! Тәуелсіз еліміздің жиырма тоғыз жылда аяғынан тік тұрып, өзгелермен терезесі тең мемлекет ретінде қалыптасуы – Елбасының салиқалы саясаты мен ел азаматтарының жұмыла еңбек етуінің нәтижесі. Осынау Тәуелсіздіктің арқасында жоғалтқанымызды жаңғыртып, рухани-мәдени байлығымыз түгенделді. Ынтымақты – ұран, татулықты – ту еткен еліміз осы кезең ішінде толағай табыстарға жете білді десек, оған әулиеаталықтардың да қосқан үлесі орасан. Мемлекет Басшысы Жолдауында «Қазіргі күрделі жағдайда алдымызда тұрған басты міндет – әлеуметтік-экономикалық тұрақтылықты, жұмыс орындарын және халықтың табысын сақтап қалу», - деп атап өткен болатын. Осы орайда әрбіріміз егемен еліміздің ертеңі үшін аянбай еңбек етіп, жаңару мен жаңғыру жолында өз үлесімізді қоса білуіміз – маңызды. Тәуелсіздігіміз тұғырлы, елдігіміз еңселі болсын! Баршаңызға зор денсаулық, бақ-береке, еңбектеріңізге толағай табыс тілеймін!

• 16.12.2020
• 296