ҚР Экология және табиғи ресурстар министрі Атырау облысының тұрғындарымен кездесті

ҚР Экология және табиғи ресурстар министрі Атырау облысының тұрғындарымен кездесті

Бүгін экология министрі Зүлфия Сүлейменова Атырау облысының тұрғындарымен кездесу өткізіп, онда Министрліктің республика бойынша атқарылған бағыттары бойынша, сондай-ақ Атырау облысы экологиялық ахуалы туралы ақпарат айтылды.

Жергілікті халықты толғандыратын маңызды мәселелердің бірі қатты тұрмыстық қалдықтар полигондарының жай-күйі және аумақтарды көгалдандырудың жеткіліксіздігі болып қала береді. Космомониторинг аясында өткен жылы 131 рұқсат етілмеген полигон анықталды, олар толығымен жойылды.

Полигондардың пайда болу себептерінің бірі экологиялық және санитарлық талаптарға сәйкес келетін ҚТҚ полигондарының болмауы деп атауға болады, облыс бойынша 55 полигонның тек 8-і экологиялық және санитарлық талаптарға сәйкес келеді (14,5%), қалдықтарды ұтымды пайдалану үшін қажетті инфрақұрылымның болмауы, атап айтқанда құрылыс және тамақ қалдықтарын басқару.

Ведомство басшысы әкімдікке тиісті шаралар қабылдауды, оның ішінде шағын және орта бизнес субъектілерін халықты хабардар ете отырып, коммуналдық қалдықтарды жинау, сұрыптау және қайта өңдеу саласына тарта отырып, сондай-ақ коммуналдық қалдықтарды басқару жөніндегі бағдарламаны әзірлеуді және бекітуді ұсынды.

Жаңа экологиялық кодекстің енгізілуімен әкімдіктерде табиғатты қорғау іс-шараларына эмиссиялар үшін төлем қаражатын 100% пайдалану мүмкіндігі пайда болды. Өткен жылы облыс бюджетіне экологиялық төлемдерден 9 млрд. теңгеден астам қаражат түсті.

Су саласын дамыту бойынша негізгі проблемалар Су шаруашылығы объектілерінің тозуының жоғары деңгейі болып табылатыны, соның салдарынан судың үлкен шығыны орын алатыны атап өтілді. Сондай-ақ, бұл бағытта Су шаруашылығы инфрақұрылымын салу және реконструкциялау және суару арналарын цифрландыру бойынша үлкен жұмыстар жүргізіліп жатқаны айтылды.

Іс-шара барысында өңір тұрғындары ағаш отырғызу, жануарларға қатыгездік көрсету, қоғамдық тыңдаулар өткізу тәртібі мәселелерін көтерді, сондай-ақ министрге биоқалдықтар бойынша жобалар ұсынылды.

Жұмыс сапарының соңында Зульфия Сүлейменова азаматтарды жеке қабылдау және БАҚ өкілдері үшін брифинг өткізді

• 11.08.2023
• 164