«Дін саласындағы ағымдағы сын-қатерлер» атты тақырыпта семинар өтті.

«Дін саласындағы ағымдағы сын-қатерлер» атты тақырыпта семинар өтті.
 
Ағымдағы жылдың 26 шілдесінде ҚР Ақпарат және қоғамды даму министрлігі Дін істері комитетінің (бұдан әрі – Комитет) ұйымдастыруымен  «Дін саласындағы ағымдағы сын-қатерлер» атты тақырыпта әдістемелік-семинар болып өтті.

Семинар жұмысын Комитет төрағасының орынбасары А.Н. Хатиев жүргізіп,  басқарма басшылары Қ. Халым, М. Нұрмұханбетов, Ж. Долиев баяндама жасады. Оның ішінде ағымдағы салалық сын-қатерлер талқыланып,    еліміздің діни ахуалын тұрақтандыруға бағытталған шаралардың тиімділігі пысықталды.

Жалпы семинарға жергілікті атқарушы органдардың басшылық құрамы мен мамандары белсенді қатысып,  өзекті сұрақтарына жауап алды. Сонымен бірге, тиімді тәжірибелерімен бөлісіп, ұтымды ұсыныстарын ортаға салды.

Бұл ретте, «Діни қызмет және діни бірлестіктер туралы» Қазақстан Республикасының 2011 жылғы 11 қазандағы № 483-ІV Заңының 4-бабына               4-тармағына сәйкес  уәкілетті орган діни қызмет саласында жергiлiктi атқарушы органдарға әдiстемелiк басшылық жасауды жүзеге асыратынын атап өтеміз. 

Комитет 2022 жылы өңірлердің қатысуымен 30-ға жуық семинар өткізіп, 250-ге жуық маманға әдістемелік көмек ұйымдастырған болатын.

• 16.08.2023
• 161