Атырау облысының әкімі Серік Шәпкеновтің 8 наурыз - Халықаралық әйелдер күнімен құттықтауы

Атырау облысының әкімі Серік Шәпкеновтің 8 наурыз - Халықаралық әйелдер күнімен құттықтауы

Ардақты аналар, аяулы арулар!
Көктемнің ең алғашқы мерекесі – 8 наурыз халықаралық әйелдер күнімен шын жүректен құттықтаймын!
Бұл – адамзаттың екінші жартысы іңкәр сезімі мен лепті лебізін Сіздерге жолдайтын жарқын күн. Сөз жоқ, бүгінгі жүректі жарып шыққан ізгі тілек атаулы тек қана өздеріңізге арналады.
Әйелдер қауымы қандай кәсіпті игерсе де, ең бірінші кезекте, ізгілік пен сүйіспеншіліктің, терең пайым мен шалқар шабыттың қайнар көзі болып қала береді.
Талант пен ертеңгі күнге деген берік сенім, еңбексүйгіштік пен қызмет табысын отбасы бақытымен байланыстыра білу Сіздерді шексіз құрметке бөлеуде.
Даналыққа суарылған сабырыңызды, жансарайыңыздың жақұт байлығын, айналаға деген мейірлі көзқарасыңыз бен аялы қамқорлығыңызды, еңбек пен қоғамдық өмірдегі белсенді позицияңызды әрқашан мақтан тұтамыз.
Арайлы көктемнің алғашқы таңымен бірге осынау тамаша мейрамның келетіні, әрине, кездейсоқтық емес. Өйткені, Сіздер өмірдің жасампаз нәрі секілді қашанда нұрлы дүниеге шұғылалы шуақ сыйлап келесіздер.
Масатыдай құлпырған жер жүзіндей көңілдеріңіз жайнай берсін, әр отбасына бақ-береке орнасын!

• 16.08.2023
• 142