ТМД-да сейсмикаға төзімді құрылыстағы бірыңғай нормалардың моделін енгізу мүмкіндігі қарастырылуда

Бірыңғай нормалардың моделі ТМД-ға қатысушы мемлекеттер әзірлеген ұлттық қосымшалармен толықтырылған «нормалар моделі» түрінде болады деп болжануда. 

Бұл ұсыныс ТМД-ға қатысушы мемлекеттердің сейсмикаға төзімді құрылыс саласындағы Базалық ұйымының (СҚБҰ) Бақылау кеңесінің отырысында айтылған болатын.

Іс-шара 25 желтоқсан күні онлайн режимде өтті, отырысқа Армения, Қазақстан, Қырғызстан, Ресей, Тәжікстан және Өзбекстаннан келген құрылыс саласының ғылыми-практикалық қоғамдастығының өкілдері қатысты. 

 «Қазіргі уақытта Еуразиялық экономикалық одақ елдерінде қолданылатын «Сейсмикалық аудандардағы құрылыс» заманауи нормативтік құжаттары» іс жүзінде шамамен 40 жыл бұрын қабылданған жобалау қағидаттарына негізделеді, сондықтан сейсмикаға төзімді құрылыс саласында жинақталған тәжірибені ескере отырып, оларды қайта пысықтау қажет», - деп түсіндірді «ҚазҚСҒЗИ» АҚ бас директоры және СҚБҰ басшысы Бегман Кульбаев.

Өз кезегінде, «ҚазҚСҒЗИ» АҚ Өндіріс жөніндегі басқарушы директоры Ералы Шокбаров ТМД елдерінің сейсмикаға төзімді құрылысының теориясы мен практикасының қазіргі жай-күйін талдай отырып, Еуразиялық экономикалық одақтың барлық елдерінің ұлттық нормалары олардың қазіргі заманғы халықаралық сейсмикалық кодтармен бәсекеге қабілеттілігін қамтамасыз ету үшін іргелі өзгерістерді қажет ететінін көрсететін баяндамасын ұсынды.

Отырыстың шеңберінде ТМД елдерінде бірыңғай заңнаманың моделін енгізу қажеттілігі тұрғысынан кәсіби пікірталас өтті.

Іс-шараның қорытындысы бойынша сейсмикаға төзімді құрылыс саласындағы мемлекетаралық нормативтерді үйлестіру бойынша жұмыстарды жалғастыру туралы шешім қабылданды.

2019 жылы ТМД-ға қатысушы мемлекеттердің сейсмикаға төзімді құрылыс саласындағы Базалық ұйымы (СҚБҰ) мәртебесі Қазақ құрылыс және сәулет ғылыми-зерттеу және жобалау институтына («ҚазҚСҒЗИ» АҚ) берілгенін еске сала кетейік.

• 25.12.2020
• 336