Облыс әкімі Асайын Байханов іс-сапармен Шарбақты ауданында болды

Хмельницкое ауылында өңір басшысы мектепті жөндеу және «Ауыл - ел бесігі» жобасы бойынша салынып жатқан дене шынықтыру-сауықтыру кешенінің құрылысымен танысты. Мектепті жөндеу 85% аяқталды: едені ауыстырылды, қабырғалары мен төбелері тегістелді, жылу жүйесі жаңартылды, мектеп аумағына кеспе тастар төселді. Сондай-ақ, шағын футбол алаңы жөнделуде. Жаңа дене шынықтыру-сауықтыру кешенінің құрылысын 2023 жылдың наурызында бастап, қазан айында аяқтау жоспарлануда. Жұмыстар кестеге сәйкес жүргізілуде.   Жаңа-Ауыл ауылында «Ауыл - ел бесігі» бағдарламасы аясында мектеп пен мәдениет үйіне күрделі жөндеу жүргізілуде. Жұмыстарды 2023 жылдың тамызында аяқтау жоспарлануда. - Басты міндет - құрылыс-монтаждау және жөндеу жұмыстарын уақтылы және сапалы орындау. Бұл ретте мемлекеттік органдар осы жұмыстардың орындалу сапасын қатаң бақылауға алуы тиіс, - деп атап өтті облыс әкімі. Сонымен қатар, Асайын Байханов ауданның шаруа қожалықтарының басшыларымен кездесіп, егін жинауға дайындықтарымен танысты. Кездесу барысында аграршылар өздерін толғандырған мәселелерді көтеріп, шешу жолдарын талқылады

• 25.08.2023
• 176