Лисаков

Мемлекет басшысының Моноқалаларды дамыту жөніндегі тапсырмасына сәйкес, Лисаков қаласында ауқымды жұмыс атқарылуда. Биыл бөлінген қаражаттың жалпы көлемі 12 млрд теңгеден асып, өткен жылғы бюджеттен 48% - ға асты. Осы соманың 2 млрд теңгеден астамы жылу желілерін жаңғыртуға бағытталды және бұл процесті ағымдағы жылдың қараша айына дейін аяқтау жоспарлануда. Жекелеген сомалар автожол саласын қолдауға (215,0 млн теңге), сумен жабдықтауды жақсартуға (1,3 млрд теңге, бұрынғыдан 1,5 есе көп), сондай-ақ білім беруге (ағымдағы жөндеу және материалдық-техникалық базаны нығайту үшін 92 млн теңге) бөлінді. Денсаулық сақтау саласына шамамен 763 млн теңге қарастырылды, оның 595 млн теңгесі Октябрьский кентінде дәрігерлік амбулатория салуға бағытталды. Жобаға сәйкес, ауданы 680 м2 болатын бір қабатты ғимарат салу жоспарлануда, ол қажетті инженерлік желілермен жабдықталып, абаттандырылады.

• 25.08.2023
• 133