СҚО-да биоэтанол өндiрiсi басталды

Бүгін  "Bio Operations" зауытында күрделі жаңғыртудан кейін  биоэтанол өндіру желісі іске қосылды. Осылайша, бидайды терең өңдеудің финалдық кезеңі аяқталды. Францияның заманауи қондырғылары орнатылды. Былтыр  крахмал және глютен шығаратын желі іске қосылды. 450 тұрақты жұмыс орны ашылды. Жалпы инвестиция көлемі 12 миллиард теңгені құрайды. Бүгінгі күнге дейін компания 500 миллион теңгеден астам салық төлеген.⠀
Нарықта биоэтанол үлкен сұранысқа ие. Биоөнімді Павлодар мұнай өңдеу зауытына жеткізу туралы келісімшарт жасалды. Бастапқы кезеңде 20 мың тонна биоэтанол өндіру жоспарлануда. Кейін көлемін біртіндеп 36 мың тоннаға дейін ұлғайтады. Осылайша, бұл өнімге деген елдің қажеттілігін толығымен жабатын боламыз.

• 28.12.2020
• 338