Құрметті жамбылдықтар!

ҚР Президенті Қасым-Жомарт Тоқаевтың Жарлығымен Жамбыл облысы әкімі лауазымына тағайындалуыма орай құттықтауларыңыз бен қолдауларыңыз үшін баршаңызға алғысымды жеткізгім келеді.

Ең біріншіден, зор сенім артқан Мемлекет басшысына рақмет айтамын және жауапкершілік жүгін сезіне отырып, сенім үдесінен шығуға бар күш-жігерімді жұмсайтын боламын.

Мемлекет басшысы мен Үкімет басшысы Әділетті мемлекет құру саясатын іске асыру, халықтың әлеуметтік-экономикалық мәселелерін жедел шешуге негізделген нақты міндеттер жүктеп отыр. Сонымен қатар, Қасым-Жомарт Кемелұлы өткен жолдауында су ресурстарын ұтымды пайдалану мәселесіне ерекше көңіл бөлді. Бұл біздің аймақ үшін өте өзекті мәселелердің бірі. Сондықтан, тіршілік көзіне қатысты жұмыстарды күшейтетін боламыз.

Осы міндеттерді өздеріңіздің қолдауларыңызбен жемісті жүзеге асырамыз деп ойлаймын.

Облыс әкімі ретінде баршаңызбен ашық әрі сындарлы диалог орнатуға дайынмын.

• 13.09.2023
• 140